Phungu waku Blantyre Malabada Constituency Hon. Ismail Rizzq Mkumba akhazikitsa Ndirande Trust Limited Lamulungu lino pa Nyambadwe Ground mumzinda wa Blantyre.
Malingana ndi a Mkumba zonse zokhudza mwambo-wu zafika kumapeto tsopano.
Iwo ati cholinga chawo chokhazikitsa Trust-yi ndikuthana ndi umphawi omwe wakuta m’dera lawo komanso kuno ku Malawi.
A Mkumba ati kudzera mu Trust-yi, akhazikitsa kampani zingapo zomwe zizipanga bizinesi.
Iwo ati phindu lomwe lizipezeka ku kampanizi aziligwilitsa ntchito popangira zitukuko zosiyanasiyana.
Kampani yoyamba kutsegulidwa ikhala yopanga madzi ya Ndirande Hill Water.
Phungu-yu wati anthu ayamba kugula umwini wakampanizi akakhazitsa Trust-yi lamulungu lino.
Aka ndikoyamba phungu kuno kuno ku Malawi kutsegula Trust ndi cholinga choti anthu m’dera lake azipindula
